Қазақстанда тұңғыш рет онлайн режимінде жастар бастамаларын қолдау байқауының финалы өтті

Бүгін жастар бастамаларын қолдауға бағытталған «3.2.1. Старт!» Республикалық байқауының онлайн-финалы өтті. Елдегі қазіргі жағдайды ескере отырып «3.2.1. Старт!» жобасының ұйымдастырушылары алғаш рет финалды онлайн режимінде ұйымдастыруға шешім қабылдады, деп хабарлайды Матрица.kz.

Coca-Cola Içecek Kazakshtan (бұдан әрі - CCI Kazakhstan) компаниясы өкілдерінің айтуынша, мұндай шаралар жоба қатысушыларын қорғау үшін қолданылды.

«Бірнеше апта бұрын біз Алматыдағы кеңсемізде жобаның барлық финалисттері үшін өзіндік инкубациялық бағдарлама болып табылатын буткэмп ұйымдастырдық. Оның барысында біздің финалисттеріміз маркетинг, PR, жобаларды басқару, қаржы және т.б. салаларда жаңа білім алуға мүмкіндік алды. Бірақ біздің елге қорқынышты вирус еніп, біздің жоспарларымызды шатастырды, сондықтан біз шұғыл шара қолданып, барлық қатысушыларымызды үйге жіберген дұрыс деп шештік. Біз финалды не істейміз деп ұзақ ойланып, оны онлайн режимінде өткіземіз деп шештік» - деді Алима Исембаева, CCI Kazakhstan компаниясының Корпоративтік және реттеу қатынастары жөніндегі директоры.

Еске сала кетейік, жоба ұйымдастырушылары 18-35 жас аралығындағы жастардан 100-ден астам түрлі өтінімдер қабылдады. Финалға 10 идея іріктеліп, олардың авторлары қазылар алқасына өз жобаларын ұсынды. Қазылар алқасына БҰҰ Тұрақты дамудың жаһандық мақсаттарын (бұдан әрі – ТДМ) жүзеге асыру бойынша сарапшылар, эко-белсенділер және жобаның серіктестері шақырылды. Жобаның төртінші маусымының финалисттері қаланың көшелерін, аулаларын және аудандарын пластик қоқыстардан тазартудың инновациялық шешімдерін; бір аула аясында қалдықтарды сұрыптауды; қалдықтарды бөлек жинауға арналған эко-қораптар шығаруды; пластикті гүлзарларға айналдыру және т.б. ұсынды.

«3.2.1. Старт!» жобасының төртінші маусымының жеңімпаздары:

Қайыржан Айсин, Eco-Car жобасының авторы. Жобаның басты идеясы – Петропавл қаласының тұрғындары арасында қалдықтарды бөлек жинау мәдениетін қалыптастыру. Қайыржанның командасы қала тұрғындарына үйдегі қоқысты қалай дұрыс сұрыптау керектігін үйретеді, ал сұрыпталған қалдықтарды олар қала тұрғындарының пәтерлерінен өздері алып кететін болады.

Пакизат Саулабекова «3.2.1. Старт!» жобасының жеңімпаздары қатарына кірген тағы бір қатысушы. Пакизат Қазақстандағы әйгілі эко-белсенді.

Ол «Recycle Birge» жобасы мүшелерінің бірі және елдегі көптеген экологиялық жобаларды сәтті жүзеге асырушы. Пикизат жобасының негізгі идеясы – бұқаралық шараларды экологияландыру: «Біздің көздегеніміз – үлкен бұқаралық шаралардан (фестивальдан, концерттерден) кейін қалатын қалдықтарды жинап, артынша қайта өңдеуге өткізуде көмектесетін еріктілерді тарту.

Жобаның тағы бір жеңімпазы – Хамида Токумова. Ол қазақстандықтар үшін ақпараттық білім беретін эко-бағдарлама жасады.

Хамида ақпарат берудің түрлі тәсілдері, яғни теледидар, БАҚ, әлеуметтік желілер, баспасөз құралдарын, билбордтар, көрмелер арқылы азаматтардың бойында эко-мәдениетті қалыптастырмақшы, өнердің көмегімен табиғатты аялау қажеттілігі туралы маңызды экологиялық хабарды халыққа жеткізбекші. Оның мақсаты – қоқыс өңдеу саласын дәріптеп, қоқысты бөлек жинау үрдісін насихаттау.

«3.2.1 Старт!» байқауын қаржыландыруды жобаның басты ұйымдастырушысы CCI Kazakhstan компаниясы толықтай өз мойнына алды. Сонымен қатар, ол барлық жеңімпаздарға жалпы көлемі 4 миллион теңгені құрайтын гранттар беретін болды.

«Бүгінгі таңда «3.2.1. Старт!» жобасы жаңа экологиялық мәдениетті қалыптастырумен айналысатын дарынды жастар үшін бастапқы қарқын алатын алаңға айналғаны сөзсіз. Біздің жас буын елдің дамуына өз үлестерін қосуға соншалықты қызығушылық танытқаны мені өте қуантады. Маған CCI Kazakhstan компаниясы енгізген финалдың онлайн-форматы қатты ұнады. Біз барлық финалисттермен конференциялық қоңыраулар арқылы байланысып, олар өз жобаларын үйден шықпай-ақ ұсынды. Осылайша, компания өзінің жұмысшылары мен серіктестерінің ғана емес, сонымен бірге жоба қатысушыларының да денсаулығына деген қамқорлық көрсетті» - деп бағалады жобаның ұйымдастырылу деңгейін "Жасыл экономика және G-Global дамыту коалициясы" ЗТБ басқарма төрағасы Салтанат Рахымбекова.

«3.2.1. Старт!» жобасы туралы

«3.2.1. Старт!» - CCI Kazakhstan компаниясының жастар бастамаларын қолдауға бағытталған жобасы. Жоба 2017 жылдан бері жыл сайын CCI Kazakhstan және «Орталық Азия Еуразия Қорымен» бірлесіп жүзеге асырылуда. Жобаға өз аймағындағы нақты әлеуметтік-экологиялық мәселелерді шешуге көмектескісі келетін 18-35 жас аралығындағы белсенді жас азаматтар қатысады.

Қатысушыларға өз жобасын жүзеге асыру үшін грант алуға және инкубациялық немесе акселерациялық бағдарлама бойынша тегін оқытудан өтуге мүмкіндік беріледі. Биылғы маусымның жүлде қоры 4 миллион теңгені құрады.

Жоба басталғалы бері ондаған мың жастар маркетинг, қаржы, көпшілік алдында сөйлеу және басқа да көптеген пайдалы дағдылар бойынша білім алды. Қазақстан бойынша жүздеген университеттер мен колледждер қамтылды. Жобаның 10 жеңімпазы өздерінің экологиялық идеяларын жүзеге асыру үшін жалпы сомасы 11 миллион теңгені құрайтын гранттар алды.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Қазақстанда тұңғыш рет онлайн режимінде жастар бастамаларын қолдау байқауының финалы өтті

Поделиться материалом

Другие материалы по теме

По читаемости

По материалам