19 октября 2019 г.

Мы в соц сетях:

+7 705 308 0767 +7 705 308 0767



Егер болашаққа дайын болғың келсе, кешегі істегеніңді қайталама!

23 сентябрь 2019, 18:20
10 қыркүйек күні қытайлық «Alibaba» компаниясының негізін қалаушы Джек Ма 55 жасқа толды. Бұл датаны ол зейнетке кетуімен атап өтуді жөн деп шешті: Ма ресми түрде «Alibaba» директорлар кеңесінің төрағасы қызметін атқаруды тоқтатты. Осыған орай бірнеше жыл бұрын Джек Маның Ресейге сапары кезінде мәскеулік студенттерге оқыған дәрістерінің ең қызықты фрагменттерін еске түсіруді жөн көрдік.

Мен өзімді ұлы адам деп санамаймын. Мен кәдімгі қарапайым қытай отбасында дүниеге келдім. Мен сабақты тәуір оқыдым дей алмаймын. Жо-жоқ, мен жақсы оқуға тырыстым, бірақ бұл талпынысым үнемі сәтті бола қоймады.

Шамасы, менің мектебім озық білім орны болмаған сияқты. Сол себепті мектепті бітірген соң ұзақ уақыт бойы жұмыс таба алмадым, үш рет емтиханнан құлап қалдым, сөйтіп университетке түсе алмадым. Бірақ, ешқашан менің салым суға кеткен емес.

Мен бірнеше маңызды нәрсені үйрендім. Біріншіден, берілуге болмайды. Екіншіден, бәлкім, менің мүмкіншілігімнің уақыты әлі келмеген болар деп ойлаған жөн.

Мен жас кезімде Билл Гейтс туралы және Биллдің мен істей алатынды істегенін білдім. Ол менің табысымды менен тартып алды және сол кезде дербес компьютерлерге арналған бағдарламалық қамту саласындағы бүкіл мүмкіндікті пайдалануға тырысты деп қынжылдым.

Сол сәтте: «Мүмкін мен тым биікке қол созған болармын, енді маған төменнен бастаған дұрыс шығар және сөйтіп айналамдағы адамдар үшін бірдеңе істей алармын» деп ойладым.

Біз өз ісіміздің барлығын он жыл алдын ала бағалауымыз қажет. Егер біз табысқа жеткіміз келсе, 10 жылдан кейін қалай шыңға шығатынымызды ойлануға тиіспіз. Егер біз табысқа жеткіміз келсе, ақылды адамдармен жұмыс істеуге тиіспіз.

Егер біз табысқа жеткіміз келсе, қателік жіберсек те берілмеуге тиіспіз. Көптеген адамдар қателік жіберсе болды, жеңіле салады. «Alibaba»-дағы біздер ешқашан берілмейміз. Біз өз қателігімізден сабақ аламыз.

Жетістікке жетпеген адамнан неліктен оның жолы болмағанын сұраңызшы. Егер ол бұл үшін басқа біреуді кінәлайтын болса, оның мүмкіншілігі жоқ деген сөз. Бұндай сөзді бейбақтар айтады.

Ал мүмкіншілігі барлар басқаша сөйлейді. Олар бір нәрседен қателік жібергенін және бірдеңені дұрыс істемегенін мойындайды. Мен дәл осындай адамдардан үйрендім. Олар қателік жібереді, бірақ бұған басқаны кінәламайды, керісінше бұдан сабақ алады. Мен де өз қателіктерімнен көп нәрсені үйрендім. Бұл менің өмірлік қағидам.

Кейде бірнәрсе дұрыс болмаса, мен: «Жарайды, бұл жолы болмай қалды» деймін. Егер мен бірдеңеге қол жеткізсем, керісінше: «Қарашы, мен бұны істей аламын деп күтпеп едім» деймін. Дәл осы ұстаным мені нағыз оптимист етіп шығарды.

«Alibaba» жаңа пайда болған кезде бізде ақша болмады, адамдар да, технологиялар да болған жоқ. Барлығы менің пәтерімде басталды. Онда 18 адам жиналды. Сөйтіп біз шағын бизнеске интернеттің көмегімен жәрдемдесеміз деп шештік...

Ол кезде 18 адам едік, қазір 60 мыңдай адамбыз. Бұл, әрине, оңай болған жоқ. Бірақ, біз қиындықты жеңіп шықтық. Міне, бүгін дүние жүзіндегі ең ірі интернет-компанияның біріміз.

Мен біздің жолымыз болды деп санаймын. Біз көп қателестік, бірақ бәрібір бәрін жеңдік. Кейде менен: «Неге сіздердің жолыңыз болды?» деп сұрайды. Мен бұл сұраққа былай деп жауап бергім келеді: «Егер сізден сәттілік теріс бұрылып кетпесін десеңіз, сіз бұл сәттілікті басқалармен бөлісуге тиіссіз». Онымен бөлісіңіз, басқа адамдарға көмектесіңіз, сосын бұл адамдар келешекте сізге міндетті түрде көмектеседі.

Бастапқыда «Alibaba»-да ақша болмады. Бізге пайда түспеді, бізге ешкім ақша төлемеді. Содан біздің ең алғашқы табысымыз ақша түрінде емес, біздің сатып алушыларымыздың хаты түрінде келді. Олар бізге былай деп жазатын: «Жігіттер, сіздер бізге керемет көмектесіп жүрсіздер. Бірақ бізде қазір сіздердің қызметіңізге төлейтін ақша жоқ».

Біз оларға: «Ештеңе етпейді, бәрі дұрыс» деп жауап беретінбіз. Егер шамалы күте тұрсақ және клиенттеріміз өссе, олар бізбен есеп айырыса алатынын және біздің өсуімізге көмектесетінін білдік.

Біз «Alibaba»-ны ашқан кезде мен қытайлық пошта компаниясына келіп: «Сіздер бізге тауарларды жеткізу жүйесін құруға көмектесе аласыздар ма?» деп сұрадым. Маған: «Жоқ, сіздің бизнесіңіз тым шағын, біз сіздермен жұмыс істемейміз» деп жауап берді. Бұл қытайлық логистика жүйесі ол кезде сұрықсыз жағдайда еді.

Қытайдың поштасы ресейлік пошта сияқты жылдамдықпен істейтін. Содан біз кәсіпкерлерге шығып: «Кім өз провинциясына, қаласы мен ауылына тауар жеткізумен айналысқысы келеді?» деп сұрадық. Сөйтіп біз қызығушылық білдіргендерге көмектестік.

Бүгінде біз Қытайда күн сайын 65 млн сәлемдемені жеткізуге көмектесеміз. Бұнымен неше адам айналысады дейсіз бе? Үш миллион адам. Бұл біздің қызметкерлер емес, біз оларды жалдамаймыз, бірақ оларға көмектесеміз.

Болашақты ойлап алаңдамаңыз және технологиялардан қорықпаңыз. Меніңше, болашақ әрбір адамға, әсіресе жастарға көп мүмкіндік береді. Жоғалтатын ештеңе жоқ, солай емес пе?

Біздің ақшамыз да, технологиямыз да жоқ болған кезде мен дәл осыны өзіме айтқан едім. Сол кезде біз 10-20 жылдан кейін электронды сауда экономиканың орасан зор маңызды саласы болатынына сендік, сол себепті дәл қазір осымен айналысуды бастасақ, бізде мүмкіншілік пайда болатынын білдік.

Дегенмен, сол уақытта көптеген ақылды әрі тәжірибелі адамдар мен компаниялар электронды саудаға күмәнмен қарады. Бірақ біз табысқа жететінімізге сендік.

Технологиялар біздің жұмысымызды тартып алады және бізді күнкөріс қаражатынсыз қалдырады деп ойлаудың қажеті жоқ. Шын мәнінде, технологиялар күйбең жұмыстың бәрін өз мойнына алады.

Тұңғыш технологиялық революция және бу қозғалтқыштары шыққан кезде де кейбіреулер уайымдап, енді жұмыссыз қаламыз деп ойлаған еді. 50 жыл өтті, адамдар бу қозғалтқышы мыңдаған жаңа жұмыс орнының құрылуына ықпал еткенін түсінді.
Электр ойлап табылған кезде де көптеген компаниялар жұмыс орындары жойылады деп күйінді. Алайда электр де жаңа жұмыс орындарының құрылуына алып келді.

Меніңше, жасанды интеллект те талай жұмыс орнының құрылуына әкеледі. Иә, таяудағы 20-30 жылда бізде жұмыспен қамтуда проблемалар болады, бірақ одан кейін жағдаят өзгереді. Сондықтан біз осы жасанды интеллект дамитын 20-30 жылда не істейтінімізді, оны қалай өткеретінімізді ұғынуға тиіспіз.

Егер сіз болашаққа дайын болғыңыз келсе, кешегі істегеніңізді қайталамаңыз. Жадыңызды жаттықтырып әуре болмаңыз, сіз бәрібір компьютерден артық есте сақтай алмайсыз.

Жылдам оқуға тырыспай-ақ қойыңыз, себебі компьютерлер мұны анағұрлым жылдам істейді. Сізге креативті болуға тырысу қажет. Жаңашыл болу, конструктивті болу қажет. Және де сіз оқып-үйреніп жүргеннің бәрі сізді осындай етуге тиіс.

Біз бизнесті енді ғана бастаған кезде, кейбір адамдар маған өз идеяларымен келіп: «Қарашы, бұл тамаша идея!» дейтін. Егер барлығы осылай деп, өз идеяларын керемет санап жатса, мен оларды қоқыс шелегіне тастай салатынмын.

Тек елдің бәрі іске асырылуы өте қиын идея туралы айтса ғана мен оған қызығатынмын. Мен өзімнен: «Ал бұны басқаша қалай жасауға болады?» деп сұрайтынмын. Яғни, сіз ешкімге ұқсамауға және өзіңіздің ерекше жолыңызды таңдауға тиіссіз.

Менің күн сайын өзіме беретін тағы бір кеңесім. Мен: «Бізде бүгін бәрі қиын, ертең бұдан да қиын болады, ал ертеңнің арғы күні бәрі керемет болады, бірақ біздің көбіміз ертең кешке өлеміз» дейтінмін.

Міне, дәл осы себепті жатпай-тұрмай жұмыс істеу керек. Әрбір күн өз проблемасын қоса ала келеді, бірақ әрбір қиын жағдай сайын сіз шынығасыз. Сіз өзіңізге сенімді болуыңыз керек, сонда ғана болашақта кез келген проблеманы шеше аласыз.

Нарықта бәсеке өсіп жатқан кезде өз күшіңе сенімді болу мүмкін бе? Нарықта ешқашан ештеңе жайдан жай бола салмайды. Бизнеспен айналысу қашан да қиын. Қалай сенімді боламыз дейсіз бе?

Айналаңа өзің сенетін нәрселерге сенетін, сен армандайтын нәрселерді армандайтын қызметкерлерді, әріптестерді жинау керек. Мұндай адамдармен кез келген күрделі жағдайда бірге жұмыс істеуге болады.

Егер сіз компанияда жұмыс істесеңіз, адамдардың екі тобын ғана тыңдау қажет: Өз клиенттеріңізді тыңдаңыз. Олар сізге риза болуы тиіс. Және де әріптестеріңіздің сөзіне құлақ асыңыз. Егер олар өз күштеріне сенімді болса, ештеңеге алаңдамаңыз.

Егер клиенттеріңіз бен әріптестеріңіздің көңілі тоқ болса және бәрі жақсы десе, кеңесшіні де, консультантты да, заңгерді де тыңдамаңыз.

Егер сіз басқаларды тыңдай бастасаңыз, онда табысқа жету мүмкіндігіңізді жоғалтасыз. Болашақты анық болжайтын бір де бір сарапшы жоқ. Барлық сарапшылар кешегі күннің білгірі.

Нарықта болып жатқан жағдайға қарамастан, ең алдымен өз клиенттеріңіз бен әріптестеріңізді тыңдаңыз. Бәсекелестеріңіз, әрине, сіздің сенімділігіңізді тас-талқан етуге тырысады. Егер олар сіздің өзіңізге сенімділігіңізді жоюға бар күшін салатын болса, демек, сіз барлығын дұрыс істеп жүрсіз деген сөз.

Ағылшын тілін білу өте маңызды. Бірақ шын мәнінде барлығы тілге тіреліп тұрған жоқ. Барлығы мәдениетке байланысты. Біз шет тілін үйрене бастаған кезде сол тілді тұтынушылардың мәдениетін, оның бүкіл қиындығы мен қасиеттерін түсіне бастаймыз. Сөйтіп бізде оған құрмет сезімі пайда болады.

Біз оны құрметтеген кезде бізді де құрметтей бастайды. Міне, сонда біз осы адамдармен бірге жұмыс істей аламыз. Сіз басқа мәдениетке құрметпен қараған кезде, оның бүкіл қасиетін түсінген кезде, достар мен серіктестер табу да оңай. Ал оларсыз бизнеспен айналысу мүмкін емес.

Егер сіз 20-30 жаста болсаңыз, жақсы бастық табыңыз (компанияны емес, бастықты). Одан үйреніңіз. Сіз 30-40 жас аралығында болсаңыз, өз бетіңізбен бірдеңе жасауға талпынуға тиіссіз.

40-50 жасқа келгенде сіз өзіңіз жақсы істей алатын іспен айналысуға тиіссіз, себебі 20 жыл бойы бірдеңе жасадыңыз және бірдеңені үйрендіңіз.

Сіз 50-60 жаста болғанда өз уақытыңыздың бір бөлігін жастарға көмектесуге жұмсаңыз.

Ал 60 жастан асқан соң уақытыңызды немерелеріңізбен өткізу керек.

Егер сіз дұрыс бағытта келе жатсаңыз, ақша сізді өзі табады. Иә, дәл солай. «Егер менде ақша болса мен бүйтер едім» дейтіндерге мен ылғи да былай деп жауап беремін: «Сізде ешқашан ақша болмайды. Егер сіз шынымен бірдеңе істегіңіз келсе, оны ақшасыз істеңіз. Егер сіз нәтижеге жетсеңіз, ақша сізге өзі-ақ келеді».


Harvard Business Review

Аударған Дина Имамбаева
Просмотров материала: 1 282

Поделиться материалом


11:24 Сельхозярмарка Акмолинской области проходит в столице... 43 Просмотров

10:35 Қызылордада көпқабатты үйдің тұрғындары судың түсінен шошып... 88 Просмотров

10:02 Бросая мусор на улице, каждый из нас делает один шаг на... 99 Просмотров

09:43 Таксист жестоко избил и попытался изнасиловать пассажирку... 107 Просмотров

21:20 Прогноз погоды на 19 октября: в трёх областях на юге... 231 Просмотров

20:57 Депутаты Nur Otan не выразили своей позиции ни по одному... 283 Просмотров

20:35 К.Токаев отреагировал на резонансное интервью кокшетауского... 333 Просмотров

20:26 В Бурабае прошел бизнес-форум по развитию кластера мясной... 238 Просмотров

20:21 Комитет государственных услуг создали в Казахстане... 237 Просмотров

19:17 В Атырау подорожал хлеб... 245 Просмотров

18:51 "Мұғалімдер асханадан тамақты қарызға алады": Білім... 8 035 Просмотров

18:21 «Открытый акимат» провели в Акмолинской области... 336 Просмотров

18:13 Назарбаев министр мен депутаттарды жинап алды: отырыста не... 881 Просмотров

18:08 На каких перекрестках появятся новые комплексы "Сергек" в... 241 Просмотров

17:59 Мұғалімдер мен дәрігерлерге арналған арендалық баспананы... 280 Просмотров

17:49 За тяжелые рюкзаки учащихся предложили штрафовать... 255 Просмотров

17:41 ДТП в Караганде: 20 пострадавших (ВИДЕО)... 269 Просмотров

17:00 Подозреваемый в мошенничестве замакима Манзоров вышел в... 243 Просмотров

16:32 Казахстанцев призывают проверить телефонные номера,... 211 Просмотров

15:29 Пенсионные деньги на покупку жилья и образование: в... 162 Просмотров

15:16 Программы осуществляются формально - Елбасы о развитии... 162 Просмотров

15:07 Депутаты нашей партии не активно используют СМИ -... 147 Просмотров

14:48 Глава упрздрава Атырауской области подала в отставку после... 362 Просмотров

14:32 Непривитых не пустят в детские сады - Бекшин... 125 Просмотров

13:55 Судью Жанаозенского суда приговорили к трем годам лишения... 128 Просмотров

13:21 Вопросы предвыборной программы Nur Otan обсуждают под... 217 Просмотров

12:34 Түркістандағы емхана жұма сайын ғимаратын адыраспанмен... 189 Просмотров

12:00 400 новых камер "Сергек" устанавливают в Алматы... 198 Просмотров

11:36 Отец спасая ребенка бросился под автобус в Кызылорде (ВИДЕО)... 350 Просмотров

11:24 32-ой дублированный на казахский язык фильм «Малефисента:... 175 Просмотров

11:02 "Мало кто из поколения 70-х годов или 80-х так... 256 Просмотров

10:29 Запрет на кредиты малоимущим нужно поддержать - Д.Абаев... 205 Просмотров

10:14 Пойман у ресторана: В действиях акима Жанаозена не нашли... 211 Просмотров

09:47 Мектепке бару үшін таңғы бесте тұрамыз деп ашынды... 256 Просмотров

09:42 Курс валют на 18 октября... 168 Просмотров

09:15 Прогноз погоды на 18 октября: на севере и в центре РК... 160 Просмотров

21:48 Десятки многодетных матерей штурмовали здание акимата... 356 Просмотров

19:30 Монету в 200 тенге введут в оборот в Казахстане... 329 Просмотров

17:59 В Казахстане 16% молодых людей страдают импотенцией, 30%... 365 Просмотров

17:27 Шуметь с 20 часов вечера до 9 часов утра могут запретить в... 245 Просмотров





Опрос


«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031