Нұрсұлтан Назарбаев: Жастарға арнап бөлек тұрғын үйлер салынады

«Қазақта ондай бәле болған жоқ». "Тәуелсіздік ұрпақтары" Жастар жылының ашылуында сөз сөйлеген Елбасы Нұрсұлтан Назарбаев, қарттар үйінде тұратын қарттарды көргенде қабырғасы қайысатынын айтты. Сонымен қатар, баласын жетімдер үйіне беру ешқашан болмағаны, ата-анасыз қалған сәбилерді асырап алып, қамқорлық таныту керектігін алға тартты. Президент сондай - ақ, олигархтарға үндеу жасады. Дәулетті азаматтарға Үкіметпен бірлесіп арнайы қор құруды тапсырған Елбасы, осылайша жастардың стартаптарын қолдауға болатынын айтты. Жастар жылының ашылуы салтанаты туралы Еуразия бірінші арнасы хабарлайды.

Бүгін Астанадағы «Нұр Әлем» павильонында Елбасы Нұрсұлтан Назарбаев жастар жылын ресми түрде ашты. Залға жиылған еліміздің бетке ұстар және танымал жастары, Үкімет басшысы, министрлер мен бірқатар депутаттар Президентті тік тұрып қарсы алып, Әнұранды Елбасымен бірге шырқады.

"Ежелден ер деген, даңқымыз шықты ғой. Намысын бермеген, қазағым мықты ғой".

Салтанатты шараға шақырылған ең жас кәсіпкерлер, кино саласының майталмандары, спорт шеберлері мен әлемді аузына қаратқан әнші Димаш Құдайберген жеткен жетістіктері мен толағай табысқа жетелейтін еңбек жолдарын жұртшылыққа жария етті. Олардың арасында Моңғолиядағы қандасымыз, бүркітші қыз Айшолпан Нұрғайыпқызы да бар.

"13 жасымда 79 бүркітші қатысқан сайыста 1 орын алдым. Аққанат есімді балапаным 5 секундта қолыма қонып, рекорд жаңарттым" – Моңғолиядан келген бүркітші қыз Айшолпан Нұрғайыпқызы.

Талантты қыз-жігіттердің мәлімдемесін соңына дейін тыңдап, сөз алған Елбасы Нұрсұлтан Назарбаев жастарға арналған жаңа бастамаларды жариялады. Соның бірі, ерікті студенттердің шәкіртақысын 30 пайызға арттыру мәселесі. Сондай - ақ, Елбасы Үкіметке жоғарғы оқу орындарында білім алатын жастарды бизнеске тарттыруды тапсырды.

“Көп мемлекеттерде 4-5 курстарда студенттер бизнеспен шұғылдана бастайды. Жақсы оқитындарды әрбір компания келіп, өзіне үгіттей бастайды. "Ертең бітіргенде бізге келесің, қазірден бастап келмына жерден қара қандай жұмыс жасап жатырмыз" деп. Үкіметке бұл бағдарламаны жүзеге асыру үшін 19-20-21 жылдары, үш жыл ішінде 32 миллиард теңге бөлуді тапсырамын” – дейді Қазақстан Республикасының президенті Нұрсұлтан Назарбаев.

Сонымен бірге, Қазақстан президенті Нұрсұлтан Назарбаев Үкіметке олигархтармен бірлесіп жастардың бастамаларын қолдайтын арнайы қор құруды тапсырды. Ал жас ғалымдардың ғылыми зерттеулеріне жыл сайын 3 миллиард теңге бөлуді тапсырды. Осылайша, еліміздің болашақ элитасын құруға болады, деді Елбасы.

“Я лично собираюсь этим заниматься и рекомендую правительству специально рассмотреть эти вопросы. С этой целью поручаю правительству увеличить грантовое финансирование фундаментальных и прикладных исследований молодых ученых на три миллиарда тенге ежегодно” – дейді ҚР Президенті Нұрсұлтан Назарбаев.

Жиын барысында, енді елімізде жастар үшін бөлек тұрғын үйлер салынатыны да белгілі болды. Жалға берілетін тұрғын үйлер алдымен Астана, Алматы, Шымкентте, кейін басқа қалаларда бой көтереді. Шара кезінде Президент Нұрсұлтан Назарбаев жұмыссыз жүрген жастарға үндеу жасап, екі қолға бір күрек таппай жүргендерді оңай ақшаның соңынан қумай, адал ақша табуға шақырды. Президент Бала бақсаң да, үй тазаласаң да, ас дайындасаң да, әйтеуір еңбек етуге болады, бірақ өзіңді өзің ешқашан сатпау керектігін қадап айтты. Салтанат соңында шара қатысушылары бірге ән шырқап, естелікке суретке түсті.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Нұрсұлтан Назарбаев: Жастарға арнап бөлек тұрғын үйлер салынады

Поделиться материалом

Другие материалы по теме

По читаемости

По материалам