30 мая 2020 г.

Мы в соц сетях:



Ұлттық домбырамыз ұлықталды

«Нағыз қазақ қазақ емес, Нағыз қазақ домбыра» деп ақын Қадыр Мырзалиев жырлағандай, шілденің алғашқы жексенбісінде еліміз Ұлттық домбыра күнін тойлады. Осынау мерекені шығысқазақстандықтар да кеңінен атап өтті.

Ұлттық домбырамыз ұлықталды


Күмбірлеген домбыраның үні әр қазаққа ерекше ыстық қой. Құлағымызға бала кезден сіңген қоңыр үннің қайда жүрсек те жүрегімізді дір еткізіп, жанымызды баурап алатыны рас. Бұл күн - сол ұлттық аспабымыздың төрге озып, ұлықталған күні болды. Бұл күні – қазақ рухы қайта бір жасап, жаңғырды. Ұлттық домбыра күніне арналған мерекелік шаралардың шеруі Өскемендегі Республика алаңында жалғасты. Кешкілік алаңға жиналған қала тұрғындары мен қонақтарының қарасы көп-ақ. Бәрі де күнтізбеде пайда болған мерекенің ерекше екенін айтуда. Иә, «Бұл ән бұрынғы әннен өзгерек» дегендей, Ұлттық домбыра күнінің жөні шынымен де бөлек. Домбыра мен қазақ – егіз ұғым. Қазақ барда домбыра бар, домбыра барда қазақ мәңгілік жасамақ. Осынау мерекеге орай ұлттық бұйымдар жасаушы шеберлердің арнайы көрмесі ұйымдастырылыпты. Мерекелік шара басталғанға дейін домбыра жасаушы шеберлердің бірімен танысып, әңгімелесудің сәті түсті.

Ұлттық қолөнер шебері Бақыт Кеңшілікұлының мамандығы - ағаш технологы. Ресейдің Брянск қаласындағы құрылыс институтын тәмамдаған. 1995 жылы Моңғолиядан елге оралған соң, өз мамандығы бойынша кәсіп таппай, домбыра жасауға бет бұрыпты. Қарап отырса, оның ұлттық аспапты жасау өнерімен айналысып келе жатқанына жиырма жылдан астам уақыт болыпты. Бүгінде ол өз ісінің нағыз шебері. Бақыттың жасаған домбырасына тапсырыс берушілердің қатары өте көп екен. Анау Атырау қаласындағы Дина Нұрпейісова атындағы музыка колледжі, Астанадағы қазақ ұлттық музыкалық академиясы, Қарағандыдағы Тәттімбет атындағы өнер колледжінің ұжымы Бақыт Кеңшілікұлының жасаған домбырасын аттай қалап сатып алатын көрінеді. Бақыттың қолынан шыққан домбыралардың бағасы да арзан емес. Арзан дегені 60 мың теңге болса, ең қымбаты 1 миллион 800 мың теңге тұрады.

- Менің домбыраларымның қымбаттығы материалына байланысты. Домбыра жасауға қажетті заттарды шетелден алдыртамын, - дейді Бақыттың өзі. Әрине, Бақыттың өз еңбегінің құнын, бағасын білетін шебер екенін біз де бірден байқадық.

Иә, сөйтіп алаңдағы мереке де басталды. Байжігіт атындағы қазақ ұлттық аспаптар оркестрінің орындауындағы тамаша күй Өскеменнің аспанында күмбірлеп, жиналған қауымға ерекше көңіл күй сыйлады.

Өскемендіктер мен қала қонақтары домбыра туралы викториналық сұрақтарға жауап берді. «Құрманғазының танымал күйі қандай?» деген алғашқы қойылған сұрақтың жауабын Лағыл деген бойжеткен бірден тапса, ал «Домбыраның бетіндегі ойық қалай аталады?» деген сауалға зейнеткер, ұзақ жылдар заң саласында қызмет еткен Еділ деген ағамыз аңызбен жауап берді. Сондай-ақ «Тойбастар күйінің авторы кім?», «Ең кішкентай домбыраның көлемі қанша?» деген сауалдарға да нақты жауап берушілер табылды. Сөйтіп, финалда викториналық сұрақтарға дұрыс жауап берген Тарбағатай ауданының тумасы Лағыл Қаниеваға танымал жерлесіміз, күйші Жарқын Шәкәрім өзінің қолтаңбасы қойылған домбыраны тарту етті.

- Қазіргі көңіл күйімді тілмен айтып жеткізе алмаймын. Керемет! Мен үшін бұл ерекше мақтаныш. Мен танымал адамның қолынан домбыра аламын деп мүлдем ойламаған едім. Домбыра – қазақ халқы үшін қадірлі аспап. Біз өзіміздің шыққан тегімізді, тамырымызды ұмытпауымыз керек, - дейді Лағыл.

«Угадай мелодию» ойыны да тұрғындарға ерекше ұнады. Қос ішекті аспапта күмбірлеген «Синий платочек», «Подмосковные вечера», «Голубой вагон» әуендерін жиналған қауым бірден тап басып, тауып жатты.

Осынау ойынның жеңімпазы Әлия есімді қала тұрғынына белгілі әнші Рамазан Стамғазиев өзінің қолтаңбасы қойылған домбыраны сыйлады.

Сондай-ақ викториналық сұрақтардың екінші кезеңінде тағы бір өскемендік тұрғын дәулескер күйші, «Мен қазақпын» мегажобасының жүргізушісі Айбек Бекбосынның қолынан сыйлыққа домбыра алды.

Иә, бұл күні түннің бір уағына дейін Өскемен аспанында домбыраның шанағынан төгілген құдіретті күй күмбірлеп тұрды. Әрбір тұрғын, әрбір қазақ іштей осынау сәттің ұзаққа созылуын тілегені анық.

- Мен домбыра аспабын әрқашан жақсы көрдім. Бүгін тіпті домбыра туралы көп нәрсені біліп, қуанып тұрмын, - дейді қала тұрғыны Ольга Осипова.

Рамазан Стамғазиев, әнші:

- Біз ел болып, тәуелсіздіктің байрағы мәңгі желбіреп тұруы үшін рухани тетік – домбыра күні болуы керек еді. Өйткені домбыра талай ғасырдың, талай ғашықтың куәсі болған. Домбыра арқылы аға буын мұңын да шақты, қуанышын да бөліскен, елдің тағдырын да шешкен. Бұйыртса, бүкіл әлем қазақты осы қара домбыра арқылы танитын болады.

Айбек Бекбосын, күйші:

– «Нағыз қазақ қазақ емес, нағыз қазақ домбыра» деп атам қазақ айтып кеткен ғой. Сондықтан бұл күн тек әнші-күйшілердің, жыршылар мен ақын-термешілердің мерекесі емес, жүрегі қазақ деп соққан бүкіл елдің мерекесі. Елбасы айтқан нағыз ұлттық код міне осы.

Жалпы күй сабағын мектепте міндетті пән ретінде оқытса жақсы болар еді. Ондағы мақсат – балалардың бәрін күйші, домбырашы етіп шығару емес, жас ұрпақтың төл өнерімізді бойына сіңіріп, оны терең ұғып өссе деген тілек. Сол сияқты домбырамызды ұлықтай түсу үшін оның жарнамасын күшейту керек бізге. Ал осындай мағыналы шараның өзге ұлт өкілдері көп шоғырланған Шығыста өтіп жатқаны жүректегі қуанышты үстей түспесе кеміткен жоқ.
Просмотров материала: 941

Поделиться материалом


22:21 Ни одно дерево в Иле-Алатауском нацпарке не будет срублено... 151 Просмотров

18:07 Жұмысқа кірісетін балабақшаларға қандай талап қойылды... 199 Просмотров

18:04 Беспорядки в Кордае: 8 фигурантов дела освобождены из-под... 191 Просмотров

17:55 Қордай оқиғасы кезінде қираған нысандар күзге дейін... 198 Просмотров

17:50 Мать рассказала свою версию похищения 8-летнего сына в... 210 Просмотров

17:39 Қазақстанда жасөспірімдер тәтті сусынға құмар болып барады... 248 Просмотров

17:30 Сотрудника акимата уволили за оскорбление сельчанина в... 229 Просмотров

17:20 В Петропавловске задержан водитель автобуса, перевозивший... 209 Просмотров

17:20 Шешем мені арқалап алып кетіп, қарындасымды қасқырлар жеді... 287 Просмотров

17:07 Санврачи и акиматы могут оставить локальные блокпосты... 180 Просмотров

17:06 Полицейский спас многодетную женщину от мужа-тирана в... 204 Просмотров

17:02 Қазақстанда кинотеатрлар қашан ашылады... 193 Просмотров

16:51 Санврачи и акиматы могут оставить локальные блокпосты... 251 Просмотров

16:45 Алматыда қағаз қоймасы отқа оранды... 179 Просмотров

16:39 К.Токаев ознакомился с ходом весенне-полевых работ... 359 Просмотров

16:28 Стало известно, когда откроют тренажерные залы в Казахстане... 178 Просмотров

16:27 Мемлекет басшысы көктемгі егіс жұмыстарымен танысты... 93 Просмотров

16:17 Кинотеатры заработают с 15 июня в Казахстане... 100 Просмотров

16:11 ШҚО-да карантин ұзартылды... 83 Просмотров

16:07 До 13 июня продлили карантин в ВКО... 195 Просмотров

15:57 В Казахстане планируют возобновить полеты в Китай и Южную... 108 Просмотров

15:55 Қазақстан коронавирус алғаш табылған Қытайға ұшу мәселесін... 105 Просмотров

15:46 Запуск поездов будет осуществляться в три этапа в Казахстане... 101 Просмотров

15:38 Қостанай вокзалы қоршауға алынды... 96 Просмотров

15:32 Алаколь будет доступен для туристов с 19 июня... 78 Просмотров

15:22 Еліміз шегірткеден зардап шеге ме?... 90 Просмотров

15:14 В Казахстане водителей будут штрафовать за курение в машине... 120 Просмотров

15:05 Ресми: Қазақстанда 1 маусымнан бастап барлық блок-бекеттер... 303 Просмотров

15:00 1 июня снимут блокпосты между городами Казахстана... 147 Просмотров

14:51 В Алматы планируют перекрывать улицы по выходным... 160 Просмотров

14:47 Алматы облысында 15 жасар қыз аяқ-астынан көз жұмды... 105 Просмотров

14:42 Дети до 14 лет смогут бесплатно летать на самолетах в... 124 Просмотров

14:34 «Қызметімнен кетуге дайынмын». Серік Сәпиев жемқорлық... 121 Просмотров

14:28 Полиция Павлодара прокомментировала видео с похищением... 109 Просмотров

14:20 Оралда балалар 9 қабатты үйдің шатырына шығып ойнаған... 92 Просмотров

14:18 В Казахстане ужесточат ответственность за оставление мусора... 168 Просмотров

14:02 Бұл оқиға халқымыздың жанына жара салды – Абаев... 94 Просмотров

13:06 Коронавирус жұқтырған провизор: Тынысым тарылып, төсекте... 111 Просмотров

12:49 Нұрлан Нығматулин: Ауыл тұрғындарының интернетке қол... 286 Просмотров

12:48 Удочеренная казашка из США нашла свою биологическую мать... 411 Просмотров





Опрос


«    Май 2020    »
ПнВтСрЧтПтСбВс
 123
45678910
11121314151617
18192021222324
25262728293031