Жарқын болашаққа нық қадам басқан Азиз

Адам баласы дүниеге келген кезінен-ақ есті, білімді болып шықпайды. Абай атамыз өзінің жетінші қара сөзінде "Жас бала анадан туғанда екі түрлі мінезбен туады: біреуі - ішсем, жесем, ұйқтасам деп тұрады. Біреуі - білсем екен демеклік" деп айтып кеткен. Расымен де, егер жастайынан тұлға болып қалыптасар кезінде бала еш нәрсеге қызықпай, сол бір орнында жатып, еріншектік мінезінен бас тартпаса, бұл бала қазіргі заманның қоғамының дағдыланған азаматы бола алмайды, демек жарқын болашаққа нық қадам басу қиындыққа соғады.

Біздің заманымыздың талабына сай заманауи социумның зиялы қауымының бір мүшесі, яғни топты жарып шығатын кісі болу үшін адам маңдай терін төгіп жұмыстануы қажет. Қазіргі кезде жас Отанымызда өзін-өзі көрсете білетін талантты да, қабілетті адамдардың саны күннен-күнге артуда.

Осыған дәлел өзім туып өскен өлкенің мақтанышы, Отанымыздың ең дарынды деген оқушыларының бірі - Азиз Талапов. Жасөспірімнің қазақстандық ғылыми салаға қосқан зор үлесін оның түрлі халықаралық деңгейдегі жарыстарыран алған орындары мен ойлап тапқан ашуларынан байқай аламыз.

Қазіргі кезде әлемде 7 миллиардқа жуық адам планетамызда өмір сүруде. Осы баршаның арасынан өзін-өзі ерекше тұлға ретінде көрестіп, топты жарып шығу әрбір жанның қолынан келе бермейді. Оқушы жасөспірім туралы сөз қозғау тіпті орынсыз деп кімде-кім ойлауы мүмкін.

Алайда, қазіргі заманда барлығы да өзгеше, заманауи ашуларды әлемге танытып, адамзаттың дамуына зор үлесін қосып жатқан – бұл жеткіншек жастар болып келеді.

Абай Құнанбайұлы данышпанымыз өзінің он тоғызыншы қара сөзінде: «Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды дағы, сондайдан білгені, көргені көп болған адам білімді болады», - деп айтып өткен болатын.

Расымен де, адам дүниеге келгенде барлығымен тең болып келеді, бірақ оның арымен қарай дамып, белгілі бір іске қызығушылығын таныту әр тұғаның өзіне байланысты болып келеді. Азиз осыған жарқын мысал болып келеді.

Ол жаңа мыңжылдықты бастаған кісілермен бірге Орал қаласныдағы жай ғана ұстаздардың отбасында дүниеге келген болатын. 2007 жылы алғаш №41 мектеп-лицейінің табалдырығын аттап, алтыншы сыныпқа шейін осы мектептің озаты атанып, 2013 жылы Назарбаев Зияткелік мектебінің грантын иеленіп оқуға түскен еді.

Назарбаев Зияткерлік мектебі - Азиздің айтуынша оның ғылымға деген қызығушылығы мен потенциалын ашып, әрімен қарай дамуына зор үлесін қосқан екінші үйі.

Бұл дарынды жеткіншектің өз өлкесінің мақтанышы атануына оның Республикалық және халықаралық деңгейдегі жарыстарда орын алуы бірден-бір себеп болып келеді.

Мәселен, Азиз халықаралық «Архимед-2016» және «Архимед-2018» өнертапқыштар және инновациялық технологиялар салонында жетекшісі П.Т.Харитоновпен бірге жасаған жобалары үшін екі дүркін күміс жүлдегер атанып, Отанымыздың намысын қорғап шыққан.

Оның бұл жобасының негізгі мақсаты альтернативті энергия көзін механикалық энергиядан, яғни жолда жатқан жылдамдық бәсеңдеткіш арқылы алу болып табылады. Осыған қоса, Азиз магниттердің күшін анықтап, тиімді пайдалануды терең зерттеп, бұдан да энергия алу жолдарын барынша қарастырған еді.

Бұл Азиздің жалғыз ғана жетістіктері емес, осыған қоса Азиз 2017 NURITECH жарысына қатынасып, ақшалай жүлдеге иеленген. Жасөспірім мектепішілік ғылыми жобалар мен олимпиадалардың белсенді қатысушысы және жеңімпазы болып келеді.

Азиз «Физтех-2014» онлайн олимпиадасында үшінші орын алып, ал 2015 жылы облыстық жас экологтардың «Экспо-2017» форумында «Жасыл экономика» секциясы бойынша 1-орынды иеленген еді.

Кейінірек, ол білімін одан сайын жетілдіре түсіп, 2016 жылғы халықаралық қашықтық физика мен ағылшын пәндерінің блиц-турниріне қатысып, онда 3-орынға қол жеткізген болатын.

Сондай-ақ, Азиз жыл сайын өткізілетін «Наурыз кездесулерінің» аясында ұйымдастырылған «Әлемді өзгертетін идеялар» әлеуметтік жобасына қатысқан еді.

2015 жылы Сингапурде өткізілген «Discovery science & Technology camp» және 2017 жылы АҚШ-тың Нью-Йорк қаласында өткен білім беру курстарына қатысқан.

Өзінің тығыз кестесіне қарамастан Азиз оқуда озат және өзінің бауырлары мен қарындасына үлгі тұтар аға және ата-анасының мақтанышы болып жүруі сыныптастары мен құрбы-құрдастарына бір ғажап болып көрінеді.

Ол өзінің инновациялық идеяларын түрлі инвесторларға ұсынып, ақшалай көмек тартқан болатын. Сонымен қатар, Азиз жазғы уақытта ата-анасының жұмысында барынша қолғабыс етеді.

Азиздің тағы бір жасампаз бастамаларының бірі бұл тек альтернативті энергия көзін жай ғана алып, қолданысқа енгізу ғана емес, оны барша халыққа қолжеткізер бағамен ұсыну.

Өйткені, күн панельдері шетелдік өндірістен шыққандықтан, олар өте қымбатқа сатылады, ал біздің өлкемізде шуақты күндер әрдайым болып жатпайды. Президентіміз айтып өткендей, «Баламалы энергияны қолдану - заман талабы».

Азиз барша тек Батыс өлкеміздің жасампазы ғана болып қана қоймай, бүкіл Республикамыздың мақтан тұтар жас ғалымы, мультиталантты жеткіншегі болып танылды.

Болашақта Азиз физика және инженерия саласын терең оқып, әлемге өз үлесін қосып, ұлы көшпенділердің өлкесін барша Жер жүзіне танытуды армандайды. «Арман – жарық жұлдыз, онсыз айқын бағдар жоқ, бағдар болмаған соң, алға басу да жоқ, тірлік те жоқ», - деп Лев Толстой айтып кеткен болатын.

Азиз секілді жастарымыз алдарына нақты мақсат қойып жұмыстанса, еліміз 30 дамыған мемелекеттердің қатарына лезде кіретіндігінде еш кумәнім жоқ. Елімізді көркейтіп, оны дамыту жастардың қолында.

Арайлым ШМИДТ
11 сынып оқушысы
физика-математика бағытындағы
Назарбаев Зияткерлік мектебі
Батыс Қазақстан облысы
Орал қаласы
Жетекшісі: Орал Кдиршаев

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Жарқын болашаққа нық қадам басқан Азиз

Поделиться материалом

Другие материалы по теме

По читаемости

По материалам