"Асылдың сынығы – айдынның тұнығы..."

Бақ қонған дәулетті, Аққорған сәулетті Түгіскен елінде жүрегінде иманы бар, ақ жүректі, кең пейілді, сыйластығы мен адамгершілігі, кішіпейілділігі мол ақсақал аталарымыз бен аяулы аналарымыз тұрады.

Ол кісілер – көненің көзі, асылдың сынығы. Олай дейтінім, аталарымыз бен аналарымыз біздерге бейбіт өмір сыйлады. Ұлы Отан соғысы жылдарында неміс басқыншыларынан Отанды, жерімізді, елімізді, азаматтарды қорғау үшін қарсы тойтарыс берді.

Тың және тыңайған жерлерді игерді. Тылда ерен еңбек етті. Сонау сұрапыл соғыста елімізді, халқымыз бен жерімізді жаудан азат еткен аталарымыз: Саруаров Қуандық, Қарабаев Баймахан, Тайбеков Бейсенбай, Сейдеков Ізет, Әбутәліпов Ануар (Кеңес Одағының Батыры), Жүмаділлаев Сайфулла, Көбесов Үрайра, Балтаев Төреқожа, Наубаев Дәрімбай, Қабетенов Жүніс, Жұманов Аббас, Бабажанов Айтбай.

Тылда еңбек еткен аналар:Жолдасбекқызы Мейізкүл, Жұманова Айнагүл Тұрсынқызы Мұхамеджанова Рсалат, Үсенова Тортай, Халықова Мінсізай. Ал,Ауған соғысына қатысқан ағзаларымыз: Сайфназаров Аюпхан, Мұстияров Тұтқабай, Мұхамеджанов Кеңес.

Еліміздің көркеюіне, абаттануына үлес қосқан аталарымыз: Мәмбетов Бекжан, Маликов Абибулла, Абдуллаев Мәмірейім, Саданов Құрбан, Бабанов Баянқожа, Байжанов Жолдықожа, Зейнулов Ермұхаммед, Пірназаров Қуаныш, Мамраимов Тұрсын, Үсенов Зәкір, Атақожаев Атымтай, Атабаев Бекназар, Төреқожаев Қалқожа, Қаюмов Нұрмыш, Боранов Әбдіқожа, Мамытов Божбан, Әбдіқожаев Әмірбек, Әбутәліпов Мұсахан, Мұхамеджанов Арын.

Жоғарыда аталған Ұлы Отан соғысы ардагерлерінің аман жүргені санаулы ғана. Олардың игі істері мәңгілік жадымызда қалды. Аталған соғыс ардагерлерінің еңбек жолдары біздер үшін тарихты еске түсіреді.

Ауылымызда бірнеше жыл күріш егіп, Түгіскен тыңын түлеткен ақсақалдарымыз бен аналарымыз да бар. Олар: Алиасқар Сүлтанов – 3 рет Социалистік Еңбек Ері атанған. Ануар Абуталипов – күрішші. Айша Наубаева – К-700 тракторының жүргізушісі, ауылымыздың депутаты.

Керімхан Мәтханов – озат күрішші, республикаға танымал еңбек озаты. Тасаева Аққыз – ең алғаш рет Түгіскен елінде күріш егіп, баптап күту, өсіруден жүлделі 1-орында. Алиева Шарбан – көп балалы ана, озат күрішші. «Алтын белгі» иегері.

Ауыл шаруашылығында мал шаруашылығы, сауын істерімен айналысқан еңбекқор аналар: әжем - Тасқожаева Әтіркүл, Заманова Бибіхан, Заманова Пернеш, Рүстемова Айжамал,Әкімова Оңласын, Мәмбетова Күмісай, Құлымбетова Гүлжәмила. Ферма жетекшісі – Зұлпыхар Заманов аталарымыз елімізге зор үлес қосты.

Түгіскен ауылынан химия-биология ғылымдарының кандидаты, Алматы университетінің профессоры, академик Аманкелді Саданов, бірнеше рет облыстық мәслихат депутаты, биология ғылымының докторлық диссертациясын қорғаған Ибрагимов Ермағанбет, ақын Манап Көкенов – біздің елден шыққан.

Бірнеше жыл күріш шаруашылығында озық бригадир болған Ибрагимов Молдахмет атты ақсақал аталарымыз елімізге сыйлы. Қазіргі таңда Құттықожа Ыдырысов – ҚР Парламент мәжілісінің депутаты.

Ауылымызда екі мектеп, төрт балабақша, өнер мектебі, аурухана, спорт алаңы, спорт мектебі бүгінгі таңда өскелең үрпақтар мен халқымыз үшін жұмыс жасауда.

Мен осы Түгіскен ауылында туып өстім, бастауыш сыныптарды №256 орта мектепте оқып, қазіргі таңда Қызылорда қаласының №5 мектеп-интернатының 8-сыныбында оқимын. Бос уақытымда ақын-жазушылардың өлеңдерін жаттағанды ұнатамын.

Әдеби шығармалар менің тіл байлығымды дамытып, ортада өзімді дұрыс ұстауыма ықпал етеді. Сыр елінің көрнекті ақын-жазушыларының шығармаларын үзбей оқимын. Мұқағали Мақатаевтың жыл сайын өткізілетін кештерінде өлеңдерін мәнерлеп оқуға қатысып жүрмін.

Біз бақыттымыз. Өйткені бейбіт өмір заманды кешіп,сапалы білім, саналы тәрбие алып келеміз. Барлығы да жоғарыда аталған ауыл ақсақалдары мен жеңісті еңбек еткен ақ жаулықты аналарымыздың арқасы деп білемін.

Шығармашылық еңбегімді Бұрхан Мұхамеджанов атамыздың мынадай өлен шумақтарымен аяқтағым келеді:

Даламыз аңқыған хош иіспен,
Сағымы адырда бел түйіскен.
Жүздері шырайлы алаулайды,
Жастары жайраңдап тек күліскен.
Аққорған сәулетті Түгіскенім,
Бақ қонған дәулетті Түгіскенім!

Айдана РЫСКЕЛДІ
8-сынып оқушысы
№5 көру қабілеті бұзылған
балалардың арнайы
мектеп-интернаты
Қызылорда қаласы
Жетекшісі: Гүлнар Мыңбаева

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

"Асылдың сынығы – айдынның тұнығы..."

Поделиться материалом

Другие материалы по теме

По читаемости

По материалам