"Өмірдің өзі – аламан бәйге" - Медет Байжұма

«Ақында адамзаттан дос болмайды, жалғыз-ақ сырын сөйлер қаламына» деген Мағжан сөзін ақын болып ғұмыр кешіп, өздерін ақындыққа арнаған неше пенденің тағдыры дәлелдеді. Ағаларының жолын қуып, ақындық жолға бет бұрған жастар арамызда жүр. Солардың бірі – «қазақ тілі мен әдебиеті» мамандығының 3-курс білімгері Байжұма Медет Серікұлы.

Бала күнгі Медеттің арманы бойына біткен ақындық талантын, дамытып, өмірін сол жолға арнау еді. Райымбек ауданы, Нарынқол өлкесінің топырағын бойына сіңіріп өскен арманшыл баланың ақындыққа бет бұруы 3-сыныптан басталған.

Ең алғаш сынып жетекшісінің тапсыруымен ұстазға арнап өлең шығарған бала бүгінде бірнеше туындының авторы. Әдебиетке деген сүйіспеншілігі жоғарғы сыныпқа көшкенде жалғасып, Роза Құлыбаеваның жетекшілігімен талабын шыңдай түседі.

– Мектеп қабырғасында республика көлемінде 5 жарысқа және облыс дәрежесінде бірнеше мәрте бәйгелерде бақ сынадым. Аудан бойынша өткізілген мүшәйралар мен сайыстардың барлығына қатысып, жеңіспен оралуды мақсат тұттым,- деп Медет Серікұлы өзінің алғашқы жеткен жетістіктері жайлы сыр шертті.

Олардың ішінде көңіліне ең жақыны – Атырау қаласында өткен М.Өтемісұлына арналған жыр-мүшәйрасы. Себебін сұрағанымызда:

– Біріншіден, алыс аймақта өтуі. Соның арқасында Атырау жерін көріп қайттым. Екіншіден, санға емес, сапаға көбірек мән берілуі. Соның арқасында 2-орынды иеледім,- деді.

Ол оқушы кезінен мектептің өміріне бей-жай қарамағанын айтты. Оның айтуынша, 9-сыныптан бастап мектеп Президенті болған. 2012 жылы аудандық «Үздік жыл оқуышысы» атанған. Қатты қуанғаны – жарыстан үтік ұтып алған кезі.

Бір жылы бір күнде екі байқау өткен еді. "Соған дайындалу үшін көрші ападан үтік сұрауға бардым" дейді Медет. Бірақ сол кезде көрші апаның үтікті ұсына беріп: «Осы үтікті ел үшін алғандай болдық» дегені Медеттің намысына тиіпті.

Медет М.Мақатаевтың жыр мүшәйрасымен бірге Тәуелсіздікке орай өткізілген байқауға да қатысады. Нәтижесінде, екеуінен де жүлдегер болады. Дипломмен бірге «мынау сыйлығы» деп сыйлыққа үтікті берген сәтте көзіне жас оралғанын ұмытар емес.

Сонымен қатар, оның жанына жақын бағалы сыйлығы – домбыра. Қарасаз ауылында М.Мақатаевты еске алу кешіне қатысып, І орынды иеленеді. Сыйлыққа микротолқынды пешті тарту етеді.

Сол кезде ІІ орынды ұтқан жүлдегерге домбыра береді. Екеуара келісіп, сыйлығын домбыраға айырбастап алады. Бұл сыйлығы – әлі күнге дейін көзіне оттай басылып, жанына жылу беретін көрінеді.

Біз ақыннан өмірлік ұстанымы туралы да сұрауды ұмытпадық.

«Өмірдің өзі – аламан, бәйге. Біреулер шауып жатса, енді бірі қалып жатады. Ағы мен қарасы араласқан бұл өмірде дұрыс өмір сүру, ең алдымен, тәрбиеге байланысты. Отбасында алған тәрбиенің арқасында қандай сын, қиыншылық болмасын көтере аласың» – деді ол бұл сауалымызға.

Медет Б.Соқпақбаев атындағы орта мектебін 2013 жылы аяқтап, Алматы полиграфиялық колледжіне «Маркетинг» мамандығына оқуға түседі. Колледж басшылығының қолдауымен «Ғажайып сәт» атты шағын жыр жинағы жарыққа шыққан. Алғашқы кітабы болғандықтан тұсаукесерінде де толқу үстінде болады.

Туған өлкесіне барып, шығармашылық кешін ұйымдастырған кезде 600-700 адамның келуі көңіліне қуаныш ұялатыпты. Оқуын ойдағыдай тәмамдаған соң, Нарынқол ауылының әкімшілігінде спорт меңгерушісі болып қызмет атқарады.

Қазіргі кезде университетте ұйымдастырылатын іс-шараларға атсалысып, көпшіліктің көңілінен шығып жүр. Оқуда үлгерімі жақсы.

–Нағашы атам әдебиетке жақын кісі болған. Жастайымнан батырлар жырын оқып, көркем әдебиетті құлағыма сіңіріп өсірді. Ата-анам Серік Батырбеков пен Мадина Жақсылықова адам болып қалыптасуыма ықпал етсе, нағашы адам ақындыққа жол сілтеді,- деп сөзін жалғаған кейіпкеріміз ақындық жолдағы ұстаздарын да атауды ұмытпады.

Медеттің байқауларға барарда рухани үлгісі, талантын шыңдаудағы ұстазы бола білген Тұманбек Ібітанов болған екен. Ұстазының бойындағы азаматтық, әділдік, адалдық, шыншылдық, турашылдық, рухани байлық сынды қасиеттерін өзіне үлгі алып, бойына сіңіруге тырысқан. Медеттің баяндауынша, Тұманбек Ібітановтің рухани байлығының арқасында дұрыс жолдай таймай ақындыққа қол жеткізіпті.

«Өлеңге жасандылық қосу – қиянат жасаумен тең» деп әңгімесін жалғастырған Медет суырып салма ақындық өнерінің бойынан табылатындығын тілге тиек етті. Ол – «Нағыз қазақ-қазақ емес, нағыз қазақ - домбыра» ұстанымына берік жанның бірі.

Бұл қасиетін айтысқа деген сүйіспеншілік пен домбыраға әуестігінен анық аңғаруға болады.

Намысшыл жігіт адамның түпкі пиғылына аса мән беретіндігі жөнінде сыр бөлісе отырып, әңгіменің қалай соңына таяғанын аңғармай қалдық. Бойында бірнеше талант ұштасқан кейіпкеріміз «жігітке жеті өнердің аздығының» дәлелі.

Шыңғыс МАРХАБЕКҰЛЫ
9-сынып оқушысы
С. Сейфуллин атындағы
орта мектеп
Алматы облысы
Ескелді ауданы
Бақтыбай ауылы
Жетекшісі: Жанна Қауранбекова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

"Өмірдің өзі – аламан бәйге" - Медет Байжұма

Поделиться материалом

Другие материалы по теме

По читаемости

По материалам