Әр жетістіктің бастауында жалынды жастар тұр

Бүгінгі таңда Қазақстанымыз күннен-күнге өркендеп, гүлдене көркейіп, қыран құстай өзінің қанатын аспанға кең жайып келе жатыр. Әрине, еліміздің әрбір қадамы біздер үшін мақтаныш, арқамызды кеңге саларлық қуаныш. Бұл қадамдардың барлығы - жетістіктер.

Осы жетістіктердің бастауы - біздің жастарымыз. Қазіргі таңда олар өздерінің түрлі жасампаз бастамаларымен дүние жүзін таңғалдыруда. Олардың қолдарынан шыққан әрбір өнертабыс өте керемет.

Олар адамзат армандаған әрбір дүниені шындыққа айналдырып қана қоймай, оны түрлі өнер туындысына айналдырып, еріксіз адамға қанат бітіреді. Жастардың ойларының ұшқырлығы, қиялдарының қанаттылығы соншалық ауызбен айту жеткісіз, бейне-бір таңғажайып сиқыр дерсіз.

Неге бізге сенбеске, ертеңгі күннің көсемдері осындай жастарымыз. Ойы жүйрік, талапты, зерек айта берсем сөз жетпейді. Тіпті келешек ұрпақтарымыздың өзі осындай ағаларымыздан, әпкелерімізден ғибрат алып, заманының талабына сай, сөйлесе шешен, көрсе көсем болатындарына сенімдіміз.

Себебі біз ұрпағына сеніммен қарайтын, ұрпағына мол үміт артқан, ұрпағы үшін қанын төккен қазақпыз. Бізге қаншама қазақ жұрты, небір ақын-жазушылар, батырлар сенім білдірген.

Сондықтан осы күнге жеткізген ата-бабаларымызға мыңда бір алғыс жаудырып , сеніммен үміттерін ақталық және ұмытпалық .
Жастарымыздың жасампаз бастамаларының көптеген қайнар көздері бар. Олар халықтың игілігі үшін, отаны үшін, келешек ұрпағы үшін қайратымен жігерін салып ойындағы ұшқынды өмірге алып келеді.

Оны көптеген таңғажайып дүниеге айналдырады. Қазіргі заманда техника дамыған уақыт болған соң өнертабыстың да түрі көп. Адам өзі не ойлап таппайды? Қанатты құсын да, темір тұлпарын да, темірден сана да, адам да жасады.

Бұл адамның қабілетінің жоғарылығын, алға қойған мақсатын жеңбей қоймайтындығын білдіреді. Әрине тақырыптан ауытқымасам жастарымыз осындай қадамдарға көп барады. Неліктен десеңіздер? Олар жаңа бастамаларға құштар.

Олардың да жаңалық ашқысы келеді, атақты болғысы келеді, отаны үшін пайдасын тигізгісі келеді т.б. белгілі себептер бар. Мысалға: ЕХРО-2017-ні алсақ ,оның жобасы , сәулеті және басты идеясы қалай құрылды деп ойлайсыздар?

Оны жастардың керемет идеяларының ортақ бір қосындысы немесе жаңаша жетістік көзі десек артық етпес. Жастар мемлекеттік бағдарламаларды жүзеге асыруда белсенділік танытып келеді. Олардың осындай бастамасымен түрлі іс-шаралар көрініс тауып , нәтижесінде үлкен жетістіктерге ие болуда.

Елбасының тапсырмасы бойынша еліміздің әр өңірінде кейінгі толқын өкілдерінің басын біріктірген арнайы жастар ресурстар орталықтары құрылған еді. Облысымызда бұл бастама 2013 жылы жүзеге асып, бүгінде 16 аудан мен қалаларда 20 орталық жұмыс істеп тұр.

Мемлекет тарапынан жастарды бастамаларын қолдауға 150 млн теңге қаражат бөлінді. Бұл ақша алдымен материалдық-техникалық базаны нығайтуды көздейді. Сондай-ақ , әр аудан мен қалаларда бос уақытты тиімді өткізетін орталықтарды ашуға жұмсалады.

Кейінгі буын өкілдерінің елжандық, патриоттық сезімдерін оятып, оны бойына дарытуды көздеген жобалар да жетерлік. «Жақсылық айы», «Бизнес-жоба» кәсіпкерлік өзге де бастамалар қайырымдылық жасауға баулиды.

Орталықта сонымен қатар, мемлекеттік бағдарламаларға қатысу мен жүзеге асырылу барысы жайлы мол ақпарат беріледі. Жастарды әсіресе «Дипломмен ауылға», «Нұрлы жер» бағдарламалары қызықтыратындығын жайлы көп айтылады.

Бұл жоба үшін басты мақсат - жастарды қолдау. Биыл өткен «100 – жаңа есім» бағдарламасы елбасымыздың қатысуымен өтті және елбасымызбен ашық сөйлескен жастарымыз негізгі айқын бағыттарын білдірді. Осындай ашық жоба арқылы елбасымыз жастарға мүмкіндіктер беруде. Себебі, жастардың бір ерекше бастамасы әлемнің басты кілттерінің бірі болуы әбден мүмкін...

Жастар үшін ерекше болған жылдың жаңғырығы – рухани жаңғыру. Рухани жаңғыру –мен үшін жастардың ішкі әлемінің жаңаруы, сана- сезімі жаңа өзгерістерді қабылдай білуі. Жастар үшін маңызды шешімдерде қабылданды. Көптеген жастар қозғаған мәселелер талқыға түсті.

Жастардың бірі жаңа бастамалары жайлы ашық тоқталды.Бастамалар – әл-ауқатты жақсартудың басты тетігі, Қазақстанымыз жаңа бастамалар арқасында асуларды бағындырады – деп ашық айтты. Әрине жастардың сенімді ақтайтындарына шүбә келтірген жоқ және сол сенім ақталды.

Елбасымыз «Әлемге жол салатын – жастар. Оларға қолдау көрсету басты мақсатымыз» - деп сенім мен үміт арта айтқан сөзі жастарға қолдау көрсетті. Сондықтан елбасымыз үміт артқан жастарымызға әрқашан қолдау білдіре жүрейік.

Мағжан ҚАЛДЫБАЙ
10-сынып оқушысы
Жангелдин орта мектебі
Қостанай облысы
Жангелдин ауданы
Аралбай ауылы
Жетекшісі: Гүлдесін Сейітхан

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Май 2024 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

Әр жетістіктің бастауында жалынды жастар тұр

Поделиться материалом

Другие материалы по теме

По читаемости

По материалам