Тұла бойы тұнған өнер

Өмірде «Сегіз қырлы, бір сырлы» жанды кездестіріп пе едіңіз? Менің қаламдағы ондай жан - Нұрлан Шаменов.

Мен шығармамды ол кісі туралы әріптестерінен, шәкірттерінен дерек сұрастырудан бастап, өзінен сұхбаттасумен аяқтадым. Ол кісі туралы кіммен сөйлессем де, барлығы бірауыздан ол кісінің ерекше жан екендігін айтудан бастайды. Шығарма жазу барысында бұл пікірлердің шындық екеніне өзімнің де көзім анық жетті.

Нұрлан ағайдың ең басты қызметі – мектеп мұғалімі. Бірақ ол кісі мұғалімдік шеңберден шығып кеткен, шәкірттерімен дос-жараны сияқты сырласады. Жатсынбай шын көңілімен араласады. Ойымды таратып айтсам, алдымен бұл кісі – суретші.

Бала кезіндегі арманы да атақты суретші болу екен. Кәсіби суретші бола алмаса да, алдына келген шәкірттерінің қабілеттерін байқап, «бұлақ көзін ашып» суретшіліктің қыр-сырына үйретеді.

Нұрлан ағайларының алдынан талантын дамытқан шәкірттері көптеген аудандық, облыстық, республикалық жарыстардың жеңімпазы. Олардың көптігі сондай, мұғалім біреуін ренжітіп алғысы келмей, ешбіреуінің атын айтпай қойды.

Шәкірттері сурет техникасының қара қарындашпен сурет салудан бастап, майлы бояу, акварель арқылы пейзаж, натюрморт, тіпті портрет жанрларында жұмыс істей алады.

Суретшілігімен қатар ол, фотографтық өнерді жетік меңгерген. Мені таң қалдырған бір жайт, ол фотоға түсірумен 1-сыныптан бастап айналыса бастапты.

Фото түсіру өнері бойынша да қазір Нұрлан ағайдың көптеген шәкірттері бар. Ең талантты шәкірттерінің бірі - оның туған қызы Шаменова Айгерім. Қазір ол студент. Фото түсіру өнерінен көптеген жетістіктерге жетті.

Айгерім ең бірінші рет «Дельфий» ойындарына қатысқанда, ағайға фотоүйірме ашу туралы ой келген екен. Қазір сол «Аrt Pfoto» атты фотоүйірмеге көптеген оқушылар қатысады. Оқушылар деп айту бұл үйірме мүшелеріне тіпті, олқылық танытатындай.

Себебі үйірмеден гөрі фотостудияға жақын, шығармашыл топтың мүшелері нағыз кәсіби мамандар десек болады. Олардың жетістіктері де аз емес. 2010-2018 жылдар арасында үйірме мүшелері облыс бойынша 8 алтын, 3 күміс медаль; республикалық деңгейде 3 медаль, ТМД елдері арасында өткен жарыста күміс иеленген.

Оқушысы Бекбосынова Мәдина І Еуропалық «Дельфий ойындарына» қатысып, төртінші орын алған. Бұл әлемдік деңгеймен салыстырғанда өте үлкен дәреже!

Мектеп оқушылары бұл үйірмеде сонымен қатар қысқа метражды фильмдер түсіру, монтаждау өнерімен де айналысады. Ал сол үйірменің белсенді мүшелерінің бірі - қысқа метражды фильм түсіруші Ольга Фролова - Қазақстан құрама командасының мүшесі. Бұл табыс, сөзсіз, Нұрлан ағаның жетістіктері.

Қаламызға республикалық «Хабар 24» телеарнасының «Большие города» жобасы келіп, бағдарлама түсіргенде Нұрлан Абайұлы мен шәкірттері сол бейнебаянның басты кейіпкері болды, бағдарлама жүргізушісі Динар Тұрсыноваға фотосессия жасап, шағын фотожинақ та жасап берді.

Нұрлан Абайұлының жетекшілігімен әлеуметтік қысқаметражды фильмдер түсіруді үйреніп алған оқушылар өз өнерін дамытумен бірге, түрлі сайыстарға қатысып, бақтарын сынады. Соның бірі - Сайранбеков Ерқанат түсірген «Маршрутка» фильмі 2017 жылы республикалық сайыста ІІІ орынды иеленді.

Ұстаз ретінде Нұрлан Абайұлы дұрыс жолдан тайып бара жатқан оқушы көрсе, жылт еткен қабілетін байқап, әйтеуір бір талантын тауып, оның дұрыс жолға түсуіне жағдай жасайды, тыным таппайды. Өзінің айтуынша, оларға қанша уақыт керек болса, сонша уақытын бөледі.

Спортқа жақын балалармен тығыз жұмыс істеу мақсатында ол бірнеше жыл бұрын таеквондо үйірмесін ашты. Өз білген өнерін аянбай үйретті. Әттең, уақыттың тапшылығына орай, бұл үйірме жалғасын таба алмады.

2-3 жылдай жұмыс істеген бұл үйірме мүшелері де облыстық, республикалық деңгейде жетістіктерге жетті. Жоғарыда айтылған қате жолға түсе бастаған оқушыларын, осы үйірмеде, әсіресе, дұрыс жолға бағыттай білді.

Нағыз талантты адамдар сияқты, Нұрлан аға өзін «өнерлі» деп санамайды. Оның айтуынша, «егер адам шын көңілден өз сүйікті ісімен айналысса оның қолынан барлығы келеді, тіпті ауру-сырқауынан да жазылып кетеді».

Нұрлан ағаның әншілік өнері өз алдына бір әңгіме. Ол мектептегі фольклорлық ансамбльдің белді мүшесі, жеке орындаушылығы тағы бар. Жыл сайынғы аудандық, облыстық көркемөнерпаздар байқауларының лауреаты, дипломанты.

Степняк сияқты шағын қала үшін Нұрлан ағай таптырмас «байлық», баратын жері шектеулі, ауыл тектес қаланың балаларына ағамыздың өнер үйретуші үйірмелері «оазис» тәрізді.

Өзі талантты бола тұра, шәкірттерін де білетін өнерлеріне баурап жүрген, еңбексүйгіш, сирек кездесетін адамдардың бірі, ұстазымыз - баршаның «қызықты» жан деп есептеуіне толық сай, ерекше тұлға! Осындай ұстаз бұйырған біз де бақытты шәкірттерміз!

Асхат ҚАБЫТАЙ
7-сынып оқушысы
Абай атындағы
№2 қазақ орта мектебі
Ақмола облысы
Біржан сал ауданы
Степняк қаласы
Жетекшісі: Сәуле Сейдалина

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Тұла бойы тұнған өнер

Поделиться материалом

Другие материалы по теме

По читаемости

По материалам