Оралда немересін бергісі келмеген ер-азамат келінін бауыздап тастады

Оралда қайын атасы немересі үшін келінін бауыздап өлтірді. Бұл жантүршігерлік қылмыс 8 сәуірде, түстен кейін болды. Семей қаласының тұрғыны Ақерке Қозыкешева екі жасар баласын күйеуінен алу үшін Оралға келген. Ақерке кішкентай ұлын қатты сағынып келген еді. Ол баланы оңайлықпен бермейтінін біле тұра күйеуінің үйіне барды. Бұл туралы uralskweek.kz хабарлады.

Қайтыс болған қыздың туысы Семейден келіп, марқұмның денесін туған жеріне алып кетті. Олар үшін бұл жағдай қатты соққы болды. Марқұмның екі туысы қарындастарының өмірін баяндағанда, көздері жасқа толды.

«Біз Ақеркені мәйітханадан көргенде, оны танымай қалдық. Қарындасымның бетінің сау-тамтығы жоқ. Беті, басы, бәрі сынған, денесі соққыдан көгеріп, кеудесі пышақталған. Сот сарапшысы Еркеміздің барлық қабырғалары сынғанын айтты. Оны неліктен сонша ұрды? Не үшін өлтірді? Ол мейірімді, ақкөңіл жан еді. Оған ашуланатындай, мен оның біреу-міреуге дауыс көтергенін көрген емеспін», – дейді қыздың нағашы ағасы Ержан Сарқытбеков.

Қаракөз қарындасынан айырылып қалған Ержан Ақеркенің Шығыс Қазақстанда туып-өскенін және Семейде анасымен бірге тұрғанын айтты.

Марқұм 2015 жылы Орал қаласының тумасы Саят Қозыкешов есімді жігітпен танысып, оған тұрмысқа шыққан. 2016 жылы отбасында Алишер атты ұл бала дүниеге келді.

Содан кейін күйеуінің ата-анасы немерелері Алишерді өзіміз қараймыз деп, Ерке мен оның күйеуін ақша табу үшін Ақсайға баруға көндірген. Марқұм күйеуімен бірге Ақсайға барып, жұмыс істеуге келісімін береді. Ол жұбайы Саятпен бірге Ақсайда жұмыс істеп жүргенде Ерке анасына қоңырау шалып, күйеуінің кейде оны ұрып-соғатынын айтып шағымданған. Ал Саяттың ата-анасы болса, келіндерін қорғамай, әрқашан ұлының сөзін сөйлеген.

2017 жылдың қазан айында Ақерке сол білегінен пышақ жарақатын алып, Ақсай қаласындағы ауруханаға түсті. Бұл жөнінде Бөрлі аудандық полиция бөлімінің қызметкерлері түзген құжат бар. Кейін Ақерке дәрігерлерге күйеуінің пышақтағанын айтқан. Кейін өз сөздерінен бас тартып, полиция қызметкерлеріне пышақпен өзі жарақаттанып қалғанын түсіндірген соң, іс жабылған.

Біраз уақыттан кейін Саят жұмысқа кететінін айтып, хабарсыз кеткен.

"Сонымен қатар ол қоңырауларға жауап беруін тоқтатты", – дейді Ержан. Ал Ерке болса күйеуінің Оралдағы ата-анасына барады. Олар марқұмға ұлдарының онымен бірге тұрғысы келмейтінін айтады. Саяттың ата-анасы Еркеге Семейге қайтуын өтініп, Әлішерді өздерімен бірге қалады деген.

Содан кейін Ақерке анасы Бибігүл Ермұханованы шақырып, ол Семейден Оралға келеді. Екі ай бойы қыз өзінің туған баласын көре алмаған. Себебі күйеуінің ата-анасы айқайлап, оны үйден қуып шыққан. Ақерке қамқоршылық органдарына, полицияға және прокуратураға жүгінген. Ол әрең дегенде өз құқығын қорғап, 2018 жылдың ақпан айында Алишер мен анасымен бірге Семейге кеткен.

Содан кейін Саят Семейге келіп, Ерке мен Бибігүлден кешірім сұраған. Ол ата-анасымен бірге тұрмайтынын айтып, отбасымен бірге Семейде қаламын деген екен. Ерке күйеуінің сөзіне сеніп, олар Алишермен бірге ойын-сауық орталығына барып, серуендеген.

Кейін күйеуі әйеліне сұлулық салонына барып, тырнақ жасатып ал деп ұсынған. Аңғал ана жұбайының сөзіне сеніп, оның ұсынысынан бас тартпаған. Ақерке бір сағат өткеннен кейін салоннан шықса, күйеуі оның телефонын алып, ұлын ұрлап кетіпті.

Саят баласын алып, Оралға кетіп қалған. Ол анасына ұлын бермеген соң, марқұм қыз баласын қайтарып алу үшін сотқа арызданған. Біраз уақыттан кейін Ақеркеге соттан хабарлама келген. Онда ол баласымен кез келген уақытта кездесе алатыны, сондай-ақ сәбидің кімнің қолында қалатынын ерлі-зайыптылар өзара шешіп алулары керек делінген.

2018 жылдың 6 сәуірінде Ақерке Қозыкешова Орал қаласына келді. Ол теміржол вокзалына жақын маңда хостел жалдап тұрған. Марқұм қонақ үй қызметкерінен ұлымен және күйеуімен кездесетінін айтып, бір күнге пәтер тауып беруін өтінген. Ақерке екі күн бойы күйеуіне хабарласқан. Ал жұбайы Саят 8 сәуірде ұлын пәтерге алып келетінін және мәселенің басын ашып сөйлесетіндерін айтқан. Ерке күндіз екілер шамасында хостелден шығып кеткен. Сол күні, сағат бесте БҚО ІІД-не оның қайын атасы Асылбек Омаров келіп, келінін бауыздап тастағанын айтқан.

«Тергеуші бізге "Асылбек қызымызға Әлішерді бермеу үшін өлтіргенін мойындады" дейді. Бірақ мен оған сенбеймін. Ол жалғыз болған жоқ, Оған Саяттың да қатысы бар. Асылбек қарындасымды ас үй пышағымен өлтіргенін айтты, бірақ пәтерден қанды пышақ табылмады. Ол пышақтардың барлығы жуылып қойған. Ешқандай жерде саусақ іздері жоқ. Неліктен?», – дейді Ержан Сарқытбеков.

Марқұм Ақерке Қозыкешеваның туыстары Әлішерді әкесінің отбасынан алып, Семейдегі әжесінің тәрбиесіне беруді сот арқылы шешуге ниетті.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Оралда немересін бергісі келмеген ер-азамат келінін бауыздап тастады

Поделиться материалом

Другие материалы по теме

По читаемости

По материалам