Бір жапырақ орамал баланың ілім алуына кедергі жасамайды - ата-ана (видео)

Ақтөбеде «балаларымыздың білім алуына заңсыз шектеу қойып отыр» деп, мектеп директорларын сотқа бергендердің саны жарты айда жетеуге жетті. Олардың барлығы да мектептің ішкі тәртібі мен біріңғай киім үлгісіне көнгісі келмейтіндер. Яғни, «дінді ұстанамыз» деген ата-аналар қыздарының басындағы орамалдарын әлі де шешкісі келмейді. Облыс бойынша 200-ге жуық оқушы үшінші тоқсан басталған 23 күннен бері сабаққа бармаған. Бұл жайлы 31 арна хабарлады

«Ақтөбедегі №48 орта мектеп директоры бір емес, екі қызымның конституциялық құқығына шектеу қойып отыр»,- дейді сотқа шағымданған ата-ана. Айтуынша, үшінші және бесінші сыныпта оқитын қыздары мектепке басындағы орамалдары үшін кіргізілмеген. Сабақтан қалғандарына бүгін тура 23 күн болыпты. Шағымданушы Нұрболат Жақсыбаев «мектеп басшылығы заңсыз әрекетке барып, соттың шешімінсіз қыздарымды оқу процесіне қатыстырмай отыр»,- дейді. Сөзінше бұл жерде ешқандай экстремистік әрекет жоқ.

НҰРБОЛАТ ЖАҚСЫБАЕВ, ата-ана:

– Оның кішкентай басындағы бір жапырақ кимешегі былай айтқанда оның ілім алуына ешқандай кедергі болып жатқан жоқ. Қасындағы сыныптас балаларына, құрбыларына ешқандай бір қорқыныш беріп жатқан жоқ. Діни атрибутикасы адамдарды қорқытып, экстремистік бір нәрсе болып, бөлшектеніп, қоғамнан бөлек болып жатсақ екен.

Ал «кішкентай балаларда діни наным-сенім өздігінен қалыптаспайды. Олар ата-ананың талабымен жүреді»,- деген мектеп директоры бекітілген мектеп формасы мен тәртібі бәріне ортақ екенін айтады. Айтуынша, сотқа шағымданған ата-анаға күзден бері ескертулер жасалған. Оған құлақ аспағаннан кейін, яғни үшінші тоқсаннан бастап мектеп формасын сақтауды қатаң талап еттік дейді. Бүгін мектеп директоры соттың алдында да ата-анадан мектеп формасын сақтауды тағы да сұрады.

АСЫЛБЕК ІЛИЯСОВ, Ақтөбе қаласы №48 орта мектеп директоры:

– Хиджаб дедік, артынан кимешек, орамал дедік, оның барлығы басты бүркемелеу. Мектептің формасында ол жазылмаған. Сондықтын біз оған рұқсат ете алмаймыз. Енді мектепке кіргізбеді деген мәселені мен басқа сөзбен ауыстырар едім. Біз мектепке кіргізбейміз демейміз, мектеп формасын сақтап келіп кіруіңізді сұраймыз.

Жалпы Ақтөбе облысында хиджаб дауы үшінші тоқсан басталысымен өршіп кеткен болатын. Мектептің ортақ ережесі мен киім үлгісіне көнгісі келмейтін ата-аналар «балаларымыздың білім алуларына қарсы» шықты деп мектеп директорларын сотқа бере бастады. Жарты айдың ішінде тек қаланың өзінде жеті ата-ана сотқа арыз түсіріп үлгерген. Бірақ әзірге нақты аяқталған іс жоқ, қаралып жатыр. Ал облыс бойынша балалары мектеп формасын сақтамағаны үшін алты ата-анаға айыппұл салынған.

Облыстық білім басқармасы бүгінгі күні өңірде 160 оқушы бастарындағы орамалдарын шешті деп мәлімет беріп отыр. Оқу жылы басында мұндай оқушылардың саны 340 болған.

Жанар Қожанова Бағдат Баймурзин

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Бір жапырақ орамал баланың ілім алуына кедергі жасамайды - ата-ана (видео)

Поделиться материалом

Другие материалы по теме

По читаемости

По материалам