ЖАҢА ОҚУ ЖЫЛЫНДА АУЫЛ МЕКТЕБІНІҢ ЖАБЫЛАТЫНЫН ЕСТІГЕН ХАЛЫҚ ЕСЕҢГІРЕП ҚАЛДЫ

Темір ауданының Бәшенкөл ауылынан 4-5 баласы бар отбасылар соңғы жылдары үдере көшіп жатыр. Осы жаздың өзінде 7 отбасы Кеңқияққа қоныс аударыпты. Бір сәтте білім ошағы жабылып қалған ауыл тұрғындары Aktobenews.kz тілшілеріне мұңдарын шақты.

«Ауыл тұрғындары балаларының болашағы үшін деген желеумен ауылдан көшіп жатыр.

Аудандық білім бөлімінен адамдар келіп, жұмысшыларға қол қойдыртып, ата-аналарынан балаларды басқа жаққа оқыта алады деген сарында қолхат алдыртып алған. Бүгінде Бәшенкөл ауылында 13-14 отбасы қалды», — дейді ауыл тұрғыны Шахзада Бекешов.

Оның айтуынша, қалған 20 шақты бала биыл мектепке бара алмайды. Ата-аналары ақырындап ең жақын елді мекен Кеңқияққа ауысып жатса керек.

Бешәнкөл ауылы Кеңес дәуірінде гүрілдеп тұрған ферма болған. Айналасында мұнай айдайтын қондырғылардан көз сүрінеді. Қытайдың, басқа елдің мұнай компаниялары күндіз-түні пайдалы қазбаны сорғылап жатыр. Сөйте тұра, Бәшенкөл ауылының тұрғындары әлі күнге газсыз отыр. Ауыз суды бәшенкөлдіктер жер астынан өздері айдап алады.

«Табиғаттың бізге тартуы мөлдір су болатын. Алайда, соңғы кезде, оның да тазалығына күмән келтіруге болады. Кешке алып қойған суымыздың беті таңертең майланып тұрады. Құдды бір мұнай қалқып тұрғандай. Бұл маңда Көкжиде су қоры лайланып жатқанын білеміз. Мұнай өндіреміз деп, су асты қорын бүлдіріп жатқан мұнай компаниялары», — дейді Бәшенкөл тұрғындары.

Ауылды айнала жанып жатқан алау көп. Жағымсыз иістен басы айналатынын ауыл тұрғындары жастардың да денсаулықтары сыр бере бастағанын айтады. Ауылда жастар азайып, зейнет жасындағылар мен жұмысы жоқ адамдар қалатын түрі бар. 66 жастағы Арыстанбай Рамазановтың айтуынша, тұрғындарда көшейін десе жағдай жоқ.

«Кеңқияққа барған күнде ақшамыз жоқ. Малымыз көп емес, азайып барады. Несие алайық десек, оны бізге кім береді? Бала жұмыста жоқ, келін бала да үйде отыр. Немерелерді кімнің үйіне жатқызып оқытамыз. 40 жылға жуық тракторшы болдым. Бәшенкөл аты гүрілдеп тұрған ауыл болатын. Газ тартамыз деді, бірақ бөлінген ақшадан хабар болмай кетті», — дейді ол.

Ауыл тұрғындарының айтуынша, «әкімнен қайыр жоқ, өңірден сайланған депутаттың да бітіріп жатқаны шамалы».

20 бүлдіршінге бала бағушы болған Қалжан Көптілеуова мектеп жанындағы балабақшада 16 мың теңге айлық алып келгенін айтады. Сиыр сауады. Анда-санда әрең жиналған май-қаймағын Кеңқияққа апарып, сатып қайтады. Одан түскен 1,5-2 мың теңгеге күнделікті тамағын алады. Таяуда округ әкімімен болған жиналыстардың бірінде Бәшенкөл ауылының мәселесін көтерген екен.

«Осында тұрып жатқаныма 18 жыл болды. Жылдан жылға жағдайымыз нашарлап барады. Аудан әкімінен де, ауыл әкімінен де көмек жоқ. 90-шы жылдары газ тарту жөнінде ұсыныс жасадық. Хабар жоқ. 9 жылдық мектепті жауып, 4 жылдық мектепті қалдырды. Енді оны да жауып тастады. Ешқандай жиналыс болмады. Екі ата-ананы меңгеруші шақырып алып, қолхат жаздыртып алған», — дейді ол.

Бәшенкөлден Кеңқияққа көшкелі отырғандардың бірі 37 жастағы Аманжол Төлешов.

«Үш балам бар. Бүгінде вахтамен қатынап істеймін. Кеңқияқтан үй салып жатырмын. Биыл ақшам жетсе, құрылысты бітіруім мүмкін. Болмаса, келесі жылға қалар. Ағайынның үйін паналай тұрармыз, бұйырғаны болар енді, — дейді ол.

Жергілікті халық ауыл әкімдеріне аса сеніп те отырған жоқ. «Әйтпесе, мұндай күйге түсірмес еді ғой» дейді бір ауыздан. Олардың пайымынша, бәзбіреулерге халықтың өз еркімен көшіп кеткені тиімді болып тұрғанға ұқсайды.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

ЖАҢА ОҚУ ЖЫЛЫНДА АУЫЛ МЕКТЕБІНІҢ ЖАБЫЛАТЫНЫН ЕСТІГЕН ХАЛЫҚ ЕСЕҢГІРЕП ҚАЛДЫ

Поделиться материалом

Другие материалы по теме

По читаемости

По материалам